Phone : 0253-2621666 | Mail: info@kasmademedia.com




CARONA - राज्यातील रुग्णसंख्या पाहोचली १०७ वर...

दि . 25/03/2020

राज्यात करोनाग्रस्तांचा आकडा वेगानं वाढत आहे. मुंबईत पाच आणि नगरमध्ये आणखी एका रुग्णाचा चाचणी अहवाल पॉझिटिव्ह आला आहे. करोनाचा प्रादुर्भाव वाढत असून, महाराष्ट्रात करोनाग्रस्त रुग्णांची संख्या १०७ वर पोहोचली आहे. मुंबईत पाच आणि नगरमध्ये आणखी एक रुग्णाला करोनाची लागण झाल्याचं स्पष्ट झालं आहे.


राज्यभरात आज सकाळपर्यंत चार नवे करोनाग्रस्त आढळले. पुण्यात तीन, तर साताऱ्यात एकाला करोनाची लागण झाली आहे. राज्यातील करोनाग्रस्तांचा आकडा वेगानं वाढतोय. मुंबईत पाच, तर अहमदनगरमध्ये एक असे सहा नवे करोनाग्रस्त आढळले आहेत. त्यामुळं राज्यातील करोनाबाधितांचा आकडा १०७ वर पोहोचला आहे.
नगरमध्ये आणखी एक करोना पॉझिटीव्ह रुग्ण आढळला आहे. करोनाग्रस्त भागात प्रवास न केलेल्या व्यक्तीला बाधा झाल्याचे आढळून आल्याचे जिल्हाधिकारी राहुल द्विवेदी यांनी सांगितले. नगरमध्ये यापूर्वी दोन करोनाबाधित रुग्ण आढळून आले होते. त्यातील पहिल्या रुग्णाची एक चाचणी निगेटीव्ह आलेली होती. बदलत्या निकषानंतर आणखी एक चाचणी होणार आहे. त्याचा अहवाल यायचा आहे. आता नगरमध्ये करोनाबाधितांचा आकडा तीनवर पोहोचला आहे. सध्या नगरमध्ये २७७ जण होम क्वारंटाइन आहेत. तर १० जण जिल्हा रुग्णालयात वैद्यकीय तज्ज्ञांच्या निरीक्षणाखाली आहेत. ९ जणांचे तपासणीचे अहवाल येणे मात्र बाकी होते. त्यातील एकाचा अहवाल पॉझिटीव्ह आला आहे. आज आढळून आलेला बाधित रुग्ण स्थानिक आहे. इतरांप्रमाणे तो करोनाबाधित भागात प्रवास करून आलेला नाही. स्थानिक संसर्गातून त्याला बाधा झाल्याचे आढळून आल्याने जिल्हा प्रशासन अधिक सतर्क झाले आहे. मात्र, त्याच्यासह आधीच्या दोघांचीही प्रकृती उत्तम असल्याचे सांगण्यात आले. दरम्यान, इस्लामपुरातील आणखी ३९ जणांना हॉस्पिटलमध्ये दाखल केले आहे. २५० जणांना होम क्वारंटाइन केले आहे.


ताज्या बातम्या