Phone : 0253-2621666 | Mail: info@kasmademedia.com




त्या वादग्रस्त पुस्तकावर उदयनराजे स्पष्ट करणार भूमिका

दि . 13/01/2020

भाजपा नेते जयभगवान गोयल लिखित ‘आज के शिवाजी, नरेंद्र मोदी’ या वादग्रस्त पुस्तकावर राज्यभरात वादळं उठलं आहे. ठिकठिकाणी या पुस्तकावरुन टीका-टिपण्णी सुरु झाली असून अनेक शिवप्रेमींनी याबाबत तीव्र नाराजी व्यक्त केली आहे. सर्वसामान्य नागरिकांबरोबरच विविध राजकीय नेत्यांनीही यावर भाष्य केले आहे. मात्र, खुद्द छत्रपती शिवाजी महाराजांचे वंशज माजी खासदार उदयनराजे भोसले यांनी अद्याप यावर भाष्य केलं नव्हतं. मात्र, आता या वादावर ते उद्या आपली भूमिका स्पष्ट करणार आहेत. त्यामुळे सर्वांचे लक्ष उदयनराजेंच्या भूमिकेकडे लागले आहे.

उदयनराजे भोसले यांनी आपल्या ट्विटर हँडलवरुन सोमवारी संध्याकाळी सहा वाजण्याच्या सुमारास ट्विट करुन याबाबत माहिती दिली. त्यांनी ट्विटमध्ये म्हटले की, ‘आज के शिवाजी, नरेंद्र मोदी’ या वादग्रस्त पुस्तकावर उद्या मंगळवार, दि. १४ जानेवारी २०२० रोजी दुपारी १२.३० वाजता रेसिडन्सी क्लब, पुणे येथे पत्रकार परिषद घेऊन सडेतोडपणे आमची भूमिका स्पष्ट करणार आहोत.


ताज्या बातम्या